• 8 Dekabr 2021
logo
Məğlubiyyətə görə təkcə Paşinyan məsuliyyət daşımır - Ermənistanın sabiq prezidenti

Məğlubiyyətə görə təkcə Paşinyan məsuliyyət daşımır - Ermənistanın sabiq prezidenti

44 günlük Qarabağ müharibəsində məğlubiyyətə görə təkcə Nikol Paşinyan məsuliyyət daşımır.

Trend-in erməni KİV-lərinə istinadən məlumatına görə, bunu ölkənin sabiq prezidenti Levon Ter-Petrosyan deyib.

O, bu məğlubiyyətdə hazırkı hökumət başçısının sələflərini də təqsirləndirib.

L.Ter-Petrosyan bildirib ki, N.Paşinyanı ittham edənlər həqiqətin hamısının səsləndirmir: "1997-ci ildən başlayaraq Ermənistandakı bütün siyasi qüvvələr Qarabağda status-kvonun saxlanması və bütün kompromislərdən imtina siyasətini yürütdülər, nəticədə ölkəni bugünkü faciəyə gətirib çıxardılar. İndi isə bütün bunlarda Paşinyanı günahlandırırlar. Ermənistan hakimiyyətinin cinayətkar siyasəti sayəsində ordu özünü qat-qat üstələyən qüvvəyə qarşı mübarizə apardı".