• 3 Dekabr 2021
logo
BMT-nin Rezident Əlaqələndiricisi: “Minalanmış sahələrlə bağlı məlumatın paylaşılmasına kömək etməyə çalışırıq”

BMT-nin Rezident Əlaqələndiricisi: “Minalanmış sahələrlə bağlı məlumatın paylaşılmasına kömək etməyə çalışırıq”

Azərbaycan və Ermənistanı Minaların Qadağan Olunması haqqında Ottava Konvensiyasına qoşulmağa çağırırıq.

Bunu Beynəlxalq Münasibətlərin Təhlili Mərkəzinin (BMTM) təşkilatçılığı ilə keçirilən vebinarda BMT-nin Azərbaycandakı Rezident Əlaqələndiricisi Qulam İshaqzai deyib.

O bildirib ki, minalarla bağlı informasiyaya əlçatanlıq, informasiyanın paylaşılması Azərbaycan və Ermənistan arasında barışıq üçün çox vacibdir: “BMT işçi qrupu səviyyəsində minalanmış ərazilərlə bağlı məlumatın paylaşılması üçün Ermənistanla işləyib. Biz çalışırıq ki, minalanmış sahələrlə bağlı məlumatın paylaşılmasına kömək edək. Bu məlumatların paylaşılması həm də etimad yaratmaq üçün bir addım olardı”.

Q. İshaqzai qeyd edib ki, məcburi köçkünlərin azad olunmuş ərazilərə qayıdışı təhlükəsiz yaşayış şəraitinin yaradılması ilə birbaşa əlaqəlidir.