• 3 Dekabr 2021
logo
Qarabağ cənnətə çevriləcək

Qarabağ cənnətə çevriləcək

Azərbaycan Prezidenti, Ali Baş Komandan İlham Əliyevin rəhbərliyi və bilavasitə nəzarəti altında işğaldan azad olunmuş ərazilərdə böyük qayıdış üçün bütün zəruri tədbirlər həyata keçirilir. 30 il il işğalda saxlanılan, dağıdılan şəhər və qəsəbələrinin, tarixi dini, milli, mədəni abidələrimiz tezliklə bərpa ediləcək, Qarabağda həyat əvvəlki kimi mövcud olacaq.
Bunu "Xalq Cəbhəsi"nə açıqlamasında Azərbaycan Liberal Demokrat Partiyasının (ALDP) Rəyasət Heyətinin katibi Nizami Verdiyev
bildirib.
Onun sözlərinə görə, Qarabağ bölgəsi dünyanın diqqət mərkəzində olacaq. Qarabağ tezliklə cənnətə çevriləcək.
Tarixdən də bəllidir, bütün müharibələr zamanı yaşayış məskənlərini, maddi-mədəniyyət nümunələrini dağıdanlar yalnız və yalnız mədəni inkişafdan geri qalan, yırtıcı şüur və təfəkkürə malik barbarlar olublar.
30 ilə yaxın idi torpaqlarımızı işğal altında saxlayan qüvvələr də müasir dövrün barbarlarıdır. Onlar yaxşı bilirdilər ki, Azərbaycan işğal olunan əzəli torpaqlarına sahib çıxacaq. Baş Komandanımızın qətiyyəti və mübarizliyi nəticəsində Qarabağ işğaldan azad edildi.
Bu zəfər xalqımızın şərəf və qəhrəmanlıq salnaməsi oldu, tarixə milli qürurumuzun təntənəsi kimi həkk olundu. 44 gün davam edən döyüşlər və qazanılan möhtəşəm Qələbə Prezident İlham Əliyevin yenilməz qətiyyətini, Ali Baş Komandanı olduğu Ordumuzun qüdrətini və xalqımızın milli birliyini bütün dünyaya nümayiş etdirdi. İndi qalır Qarabağımızı cənnətə çevirmək".
N.Verdiyev qeyd edib ki, Azərbaycan Prezidenti İlham Əliyevin hələ illər öncədən qarşıya qoyduğu, müəyyən etdiyi vəzifələrdən biri işğaldan azad edildikdən sonra rayon və şəhərlərimizin yenidən qurulması, “Böyük Qayıdış” proqramının həyata keçirilməsi idi: "Bu proqram
2016-cı ilin Aprel qələbəsindən sonra Cocuq Mərcanlı kəndinin yenidən qurulması ilə başladı və düşmən üzərində 44 günlük qələbədən sonra “Böyük Qayıdış” davam etdirilir.
Azad edilən torpaqlarımızda yaşayış evləri, sosial, yol-nəqliyyat, iqtisadi infrastruktur sürətlə bərpa edilir, Azərbaycan sərhədlərinin etibarlı qorunması üçün bütün lazımi işlər görülür. İşğaldan azad olunmuş ərazilərdə yenidənqurma və bərpa işləri ən müasir standartlara uyğun, dost ölkələrin qabaqcıl şirkətləri cəlb olunmaqla həyata keçirilir".
Cavid