Avropa İttifaqı (Aİ) ölkələrinin Xarici İşlər nazirləri Dağlıq Qarabağ münaqişəsini müzakirə ediblər.
Bu barədə Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell mətbuat konfransında bildirib.
O vurğulayıb ki, müzakirələrdə ATƏT-in həmsədri olan Fransanın Xarici İşlər naziri mövcud vəziyyəti qiymətləndirib.
“Nazirlər həmçinin vurğuladılar ki, bütün regional aktyorlar silahlı qarşıdurmanın dayanmasına və sülhə töhfə verməlidirlər”, - deyə C. Borrell qeyd edib.