• 1 Noyabr 2020
logo
Stoltenberq: “Türkiyə və Yunanıstan arasında aparılan danışıqlarda müsbət irəliləyiş var”

Stoltenberq: “Türkiyə və Yunanıstan arasında aparılan danışıqlarda müsbət irəliləyiş var”

“Şərqi Aralıq dənizindəki böhranla əlaqədar Türkiyə və Yunanıstan arasında aparılan texniki danışıqlarda müsbət irəliləyiş var”.

Bunu NATO-nun Baş katibi Yens Stoltenberq İspaniyanın Baş Naziri Pedro Sançezlə görüşdən sonra keçirilən birgə mətbuat konfransında deyib.

“Bu görüşlər davam edir və müsbət irəliləyişlər əldə olunur. Bunlar texniki hərbi danışıqlardır. Görüşlərin yarısı NATO-nun qərargahında keçirilib. Məqsəd dənizdə və ya havada insident və qəzaların qarşısını almaq məqsədi ilə dekonflikasiya mexanizmi yaratmaqdır”, - deyə Y. Stoltenbeq bildirib.

NATO Baş katibi iki ölkə arasında kəşfiyyat danışıqlarının başladılmasını da alqışlayıb: “Onlar əsas narazılığı həll etmək üçün Almaniyanın rəhbərlik etdiyi diplomatik səylərə dəstək verdilər. Almaniyanın diplomatik səyləri dünən kəşfiyyat danışıqların başlamasına razılığın verilməsinə gətirib çıxardı və mən bunu alqışlayıram”.