• 29 Sentyabr 2020
logo
BAXCP: “Sərhəddə qalan vətəndaşları dərhal ölkəyə buraxın”

BAXCP: “Sərhəddə qalan vətəndaşları dərhal ölkəyə buraxın”

Bütöv Azərbaycan Xalq Cəbhəsi Partiyası (BAXCP) Rusiyanın ölkəmizlə sərhədində qalan Azərbaycan vətəndaşları ilə bağlı bəyanat yayıb. Bəyanatda deyilir: “Bütöv Azərbaycan Xalq Cəbhəsi Partiyası Azərbaycan hökumətini Rusiya ilə sərhəddə qalmış, dözülməz və insan ləyaqətini alçaldan şəraitdə uzun müddət yaşayan Azərbaycan Respublikası vətəndaşlarını dərhal ölkəyə buraxmağa çağırır. Azərbaycan Respublikası Konstitisiyasının 28-ci madddəsinə əsasən "Azərbaycan Respublikası vətəndaşlarının hər zaman maneəsiz öz ölkəsinə qayıtmaq hüququ vardır. Konstitusiyanın 24-cü maddəsinə əsasən, dövlət "İnsan ləyaqətini qorumalı və ona hörmət etməlidir". Bu hüquqlar hər hansı səbəbə görə heç bir Qanun və ya Qərarla məhdudlaşdırıla bilməz. Hər kəs özünü bizimlə eyni hüquqlara sahib həmin vətəndaşlarımızın yerinə qoymalıdır”.