• 25 Noyabr 2020
logo
Braziliya Prezidenti Prezident İlham Əliyevi Respublika Günü münasibətilə təbrik edib

Braziliya Prezidenti Prezident İlham Əliyevi Respublika Günü münasibətilə təbrik edib

Braziliya Federativ Respublikasının Prezidenti Jair Bolsonaru Prezident İlham Əliyevi Respublika Günü münasibətilə təbrik edib.
Təbrikdə deyilir:
"Cənab Prezident.
Braziliya Hökuməti və xalqı adından və şəxsən öz adımdan Zati-alinizi Azərbaycanın milli bayramı - Respublika Günü münasibətilə təbrik edirəm.
Azərbaycan xalqına xoşbəxtlik və firavanlıq arzulayaraq, xalqlarımızın qarşılıqlı mənafeyi naminə ölkələrimizi birləşdirən dostluq əlaqələrini möhkəmləndirmək üçün Braziliyanın Azərbaycanla əməkdaşlığı davam etdirməyə hazır olduğunu bir daha vurğulayıram.
Möhtərəm Prezident, ən yüksək hörmət və ehtiramımı qəbul etməyinizi rica edirəm".