• 26 Noyabr 2020
logo
28 May Azərbaycan Cümhuriyyət Bayramı Türkiyə teleməkanında

28 May Azərbaycan Cümhuriyyət Bayramı Türkiyə teleməkanında – VİDEO+FOTOLAR

Türk dünyasının tarixi səhifəsinə qızıl hərflərlə həkk olunmuş 1918-ci il mayın 28-i hər bir Azərbaycan vətəndaşının milli qürur hissi duyduğu, arzularının çiçək açdığı bir gündür. Türkiyənin "Bengü Türk" televiziyasında həmyerlimiz Səidə Ömərin təqdimatında bir ildən çox Azərbaycan həqiqətləri ilə ekranlara gələn "Azərbaycan Rüzigarı" programı bu dəfə Azərbaycan Müstəqilliyinin 102-ci ilinə həsr olunacaq. Türkiyədə fəaliyyət göstərən azərbaycanlı tanınmış aparıcı Səidə Ömərin verdiyi məlumata görə respublikamızda qeyd olunan bu tarixi gün qardaş ölkəmizdədə qeyd olunmaqdadır. Hər həftə bazar günü ekrana gələn "Azərbaycan Rüzigarı " programı bu dəfə xüsusi olaraq 28 May saat 20:30da yayınlanacaqdır. Bayram programında Türkiyənin Milliyyətçi Hərəkat Partiyasının (MHP) sədri Dövlət Baxçalının I müavini, İstanbul Millət Vəkili İzzət Ülvi Yöntər, Türkiyə və Azərbaycan Parlamentlərarası Dostluq Qrupu rəhbəri, hakim Ədalət və İnkişaf Partiyasının (AKP) İstanbul Millət Vəkili Şamil Ayrım, MHP İstanbul Millət Vəkili Arzu Ərdəm, Türkiyənin Azərbaycandakı sabiq səfiri, Azərbaycanla sıx dostluq əlaqlərini bu gün də davam etdirən diplomat Hulusi Kılıç Azərbaycan Demokratik Respublikasının yaranmasına təbrik mesajlarını ünvanlayacaqlar. Qeyd edek ki, programda eyni zamanda Türkiyənin məşhur sənətçilərinində təbrik mesajları yer alacaqdır.