• 22 Oktyabr 2021
logo
Qazaxıstandan Bakıya uçan təyyarə geri qayıtdı

Qazaxıstandan Bakıya uçan təyyarə geri qayıtdı

Qazaxıstanın “Air Astana” aviaşirkətinin Nur-Sultan-Bakı reysi ilə uçan təyyarəsi Bakıya çatmamış Qazaxıstana geri dönməli olub.

Bu barədə aviaşirkətdən məlumat veriblər.

Qeyd olunub ki, bu, koronavirusla əlaqəli deyil və təyyarənin geri dönməsinə texniki nasazlıq səbəb olub:

“Nur-Sultan – Bakı reysi ilə uçuş həyata keçirən təyyarə qanadın buzlanmasının qarşısının alınması sistemindəki qüsurla əlaqədar geri, Nur-Sultana qayıtmalı olub”.

Şirkətdən onu da bildiriblər ki, eniş adi rejimdə baş tutub.