• 19 Sentyabr 2020
logo
Narkoloji Mərkəzdəki yanğında təqsirləndirilən şəxslərin şikayətinə baxıldı

Narkoloji Mərkəzdəki yanğında təqsirləndirilən şəxslərin şikayətinə baxıldı

Bakı Apelyasiya Məhkəməsində Respublika Narkoloji Mərkəzində baş verən yanğın hadisəsinə görə təqsirli bilinən şəxslərin apelyasiya şikayəti üzrə ilkin baxış iclası keçirilib.
Trend-in məlumatına görə, hakim Elmar Rəhimovun icraatında olan şikayətə baxış iclası iyulun 15-ə təyin edilib.
Qeyd edək ki, ötən il martın 2-də Bakı şəhərinin Xətai rayonu ərazisində yerləşən Respublika Narkoloji Mərkəzində 25 nəfərin ölümü ilə nəticələnən yanğın baş verib.
Hadisə ilə bağlı cinayət işinə Bakı Ağır Cinayətlər Məhkəməsində baxılıb. Məhkəmənin hökmü ilə Narkoloji Mərkəzin direktoru Telman Məmmədhəsənov 4 il, mərkəzin işçisi Mahir Abdullayev 3 il 6 ay, yanğını törətməkdə təqsirləndirilən Məhəmməd Məmmədov isə ömürlük azadlıqdan məhrum edilib. M.Məmmədovun həkimi, mərkəzin şöbə müdiri Afət Məmmədovaya isə 5 il müddətinə şərti azadlıqdan məhrumetmə cəzası verilib.