• 28 Fevral 2020
logo
AAYDA sədrindən etiraf: Bu yol çəkiləndə xətalara yol verilib

AAYDA sədrindən etiraf: Bu yol çəkiləndə xətalara yol verilib

Bibiheybət yolunda aparılan təmir-tikinti işləri may ayına kimi yekunlaşdırılacaq.
Bunu Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov mətbuat konfransında deyib. O bildirib ki, hazırda yol kənarında yeni istinad divarı tikilir:
“Bibiheybət yolunun tikintisi zamanı yolun səviyyəsini mövcud yolla bərabərləşdirmək üçün tökmə torpaqlardan istifadə olunub. Tökülmüş torpaqların çökməsinin qarşısını almaq üçün isə istinad divarları çəkilib. Ancaq divarların tikintisində müəyyən xətalar olub. Bundan başqa, həmin zaman yolda 4 hərəkət zolağı olsa da, sonradan istinad divarının möhkəmliyi nəzərə alınmayaraq yol genişləndirilib. Zaman keçdikcə divar ona düşən gücləri qaldıra bilmədiyindən uçub. Hazırda yeni istinad divarı tikilir və yolun 2 hərəkət zolağı istifadəyə verilib”.
Saleh Məmmədov qeyd edib ki, bəzi yollar yenidən tikilməlidir:
“Ələt-Hacıqabul yolu 12 ildir istifadəyə verilib. Amma onun tikintisinə 1996-cı ildən başlanıb. Bu isə 24 il deməkdir. Bu yol artıq yenidən tikilməlidir. Çünki hər bir yol tikiləndə qarşıdakı 10 il üçün nəzərdə tutulur”.