• 27 Noyabr 2020
logo
Yanvarda şaxtalı günlərin sayı az olacaq

Yanvarda şaxtalı günlərin sayı az olacaq

Azərbaycanda yanvar ayında da müsbət anomaliya üstünlük təşkil edəcək, şaxtalı günlərin sayının və yağıntıların normadan az olacağı gözlənilir.

Bunu Ekologiya və Təbii Sərvətlər Nazirliyinin Milli Hidrometeorologiya Departamentinin direktoru Umayra Tağıyeva bu gün keçirdiyi brifinqdə deyib.

Departament direktoru qeyd edib ki, yanvar ayında Bakıda havanın orta minimal temperaturu müsbət 2,4 dərəcəyə yaxın olur:

"Çoxillik məlumatlara əsasən, 1961-ci ildən başlayaraq yalnız 4 dəfə (1964-1,10С 1969 - 0,40С 1972 -2,30С 1977 -1,20С) orta minimal temperatur mənfi olub. Son 30 ildə isə yalnız bir dəfə 2008-ci ildə mənfi orta minimal temperatur qeydə alınıb (-1,4). Ümumdünya Meteorologiya Təşkilatının xüsusiləşdirilmiş mərkəzlərinin məlumatına əsasən, yanvar ayında bizim regionda temperatur rejimində müsbət anomaliyanın üstünlüyü, yağıntıların isə, bəzi şərq rayonları istisna olmaqla, normadan az olacağı gözlənilir".