• 7 Dekabr 2023
logo
FHN-in Regional mərkəzlərində Xocalı soyqırımının 30-cu ildönümü anılıb

FHN-in Regional mərkəzlərində Xocalı soyqırımının 30-cu ildönümü anılıb - FOTO

Fövqəladə Hallar Nazirliyinin Regional mərkəzlərində Xocalı soyqırımının 30-cu ildönümü ilə əlaqədar anım tədbirləri keçirilib.
FHN-in xəbərinə görə, Dövlət Himninin səsləndirilməsi ilə başlanılan tədbirlərdə Xocalı soyqırımı qurbanlarının, eləcə də Vətənimizin ərazi bütövlüyü uğrunda canlarından keçmiş şəhidlərmizin əziz xatirəsi bir dəqiqəlik sükütla yad edilib.
Toplantılarda Xocalı soyqırımı təkcə azərbaycanlılara qarşı deyil, insanlığa qarşı törədilmiş ağır cinayət kimi xarakterizə olunub, bu qanlı hadisənin bəşəriyyət tarixinin ən faciəli səhifələrindən biri olduğu diqqətə çatdırılıb. Qeyd olunub ki, 1992-ci il fevralın 25-dən 26-na keçən gecə Ermənistan silahlı qüvvələri beynəlxalq hüququn norma və prinsiplərini pozaraq keçmiş Sovet ordusunun 366-cı alayının iştirakı ilə Xocalıda dinc əhaliyə misli görünməmiş qəddarlıqla divan tutub, nəticədə, 106 qadın, 63 uşaq, 70 qoca olmaqla, 613 nəfər məhz azərbaycanlı olduğuna görə amansızcasına qətlə yetirilib, 487 dinc sakin ağır yaralanıb, 1275 nəfər isə girov götürülüb. 8 ailə tamamilə məhv edilib, 25 uşaq hər iki valideynini, 130 nəfər valideynlərindən birini itirib.
Xocalı faciəsinə hüquqi-siyasi qiymət ilk dəfə xalqımızın ümummilli lideri Heydər Əliyevin təşəbbüsü ilə verilib. Belə ki, Ulu Öndərin təşəbbüsü ilə 1994-cü il fevralın 24-də Azərbaycan Respublikasının Milli Məclisi “Xocalı soyqırımı günü haqqında” Qərar qəbul edib, BMT-yə, dünya dövlətlərinə bu qətliamın gerçək mahiyyətini açıqlayaraq, beynəlxalq ictimaiyyəti erməni terrorizminə qarşı təsirli tədbirlər görməyə çağırıb. Ulu Öndərin müdrik siyasətinin layiqli davamçısı, Azərbaycan Respublikasının Prezidenti cənab İlham Əliyev tərəfindən həyata keçirilən ardıcıl və məqsədyönlü fəaliyyət sayəsində Xocalı soyqırımı bir çox dünya dövlətləri tərəfindən tanınır.
Bildirilib ki, faciə ilə bağlı həqiqətlərin dünya ictimaiyyətinə çatdırılmasında Heydər Əliyev Fondunun böyük xidmətləri vardır. Fond bəşəriyyətin ən böyük faciələrindən olan Xocalı soyqırımı haqqında faktların dünyaya çatdırılması istiqamətində sistemli və ardıcıl fəaliyyət göstərib. Heydər Əliyev Fondunun vitse-prezidenti Leyla Əliyevanın təşəbbüsü ilə “Xocalıya ədalət!” beynəlxalq kampaniyası çərçivəsində də hər il silsilə tədbirlər reallaşdırılır.
Tədbirlərdə, həmçinin Azərbaycan Respublikasının Prezidenti, Müzəffər Ali Baş Komandan cənab İlham Əliyevin müdrik rəhbərliyi ilə şanlı Ordumuzun qəhrəmanlığı nəticəsində Vətən müharibəsində qazandığımız Böyük Zəfər haqqında danışılıb, torpaqlarımızın işğaldan azad edildiyi və ərazi bütövlüyümüzün bərpa olunduğu vurğulanıb.
Toplantılarda Xocalı soyqırımının 30-cu ildönümü ilə bağlı videoçarx nümayiş olunub.

FHN-in Regional mərkəzlərində Xocalı soyqırımının 30-cu ildönümü anılıb - FOTO FHN-in Regional mərkəzlərində Xocalı soyqırımının 30-cu ildönümü anılıb - FOTO FHN-in Regional mərkəzlərində Xocalı soyqırımının 30-cu ildönümü anılıb - FOTO FHN-in Regional mərkəzlərində Xocalı soyqırımının 30-cu ildönümü anılıb - FOTO FHN-in Regional mərkəzlərində Xocalı soyqırımının 30-cu ildönümü anılıb - FOTO FHN-in Regional mərkəzlərində Xocalı soyqırımının 30-cu ildönümü anılıb - FOTO