• 30 Noyabr 2021
logo
FHN: Ötən sutka 25 yanğına çıxış olub, 3 nəfər xilas edilib, 15 nəfər təxliyə olunub

FHN: Ötən sutka 25 yanğına çıxış olub, 3 nəfər xilas edilib, 15 nəfər təxliyə olunub

Azərbaycan Respublikasının Fövqəladə Hallar Nazirliyi (FHN) üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.
FHN-in verdiyi məlumata görə, “112” qaynar telefon xəttinə daxil olmuş zənglər əsasında Nazirliyin aidiyyəti qurumları tərəfindən ötən sutka ərzində 25 yanğına çıxış və 3 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib. Görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
Ümumilikdə, FHN-in qüvvələri tərəfindən ötən sutka ərzində 3 nəfər, o cümlədən Sumqayıt şəhərində Dənizkənarı bulvarın yaxınlığında dənizdə batma təhlükəsi olan 1 nəfər dalğıc-xilasedicilərin çevik müdaxiləsi nəticəsində xilas edilib. Yanğın zamanı 15 nəfər sakin təhlükəsiz əraziyə təxliyə olunub.