• 29 Mart 2024
logo
Texniki Universitetin itkin düşən tələbəsi 8 gün sonra tapılıb

Texniki Universitetin itkin düşən tələbəsi 8 gün sonra tapılıb

Azərbaycan Texniki Universitetinin (AzTU) Energetika və avtomatika fakültəsinin itkin düşmüş 3-cü kurs tələbəsi tapılıb.

Bu barədə APA-ya Şabran Rayon Polis Şöbəsinin Əməliyyat işləri üzrə rəis müavini, polis polkovnik-leytenantı Cəmil Nəsirov məlumat verib. C. Nəsirov bildirib ki, 8 gün əvvəl itkin düşən rayon sakini Hüseynov İlkin Saleh oğlu bu gün Bakı şəhəri ərazisində tapılaraq ailəsinə təhvil verilib.

Məlumata görə, İlkin sonuncu dəfə mayın 11-də saat 14.40-da Bakıdan yaşadığı Şabrana gedərkən nənəsi ilə danışıb, Siyəzən rayonu ərazisində yerləşən Xızır Zində pirinin yaxınlığında olduğunu bildirib və 20 dəqiqəyə evə çatacağını deyib.

Bundan sonra ondan xəbər olmayıb.