• 1 Dekabr 2021
logo
Xətaidə içməli suyun parka axıdılmasının qarşısı alınıb

Xətaidə içməli suyun parka axıdılmasının qarşısı alınıb

Xətai rayonu ərazisində parka axıdılan içməli su xəttindəki problem aradan qaldırılıb.

Bu barədə Trend-ə Xətai Rayon İcra Hakimiyyəti (RİH) Aparatının İctimai-siyasi və humanitar məsələlər şöbəsinin müdiri Pənah İmanov bildirib.

Onun sözlərinə görə, suyun parka axıdılmasının qarşısı alınıb:

“Park ərazisindən keçən çuqun su borusunun məyyən hissələrində çürümə baş verdiyindən suyun təzyiqi artanda həmin yerlərdə axıntılar baş verirdi. Ötən gün problem baş verən əraziyə "Azərsu" ASC və Xətai rayon İcra Hakimiyyətinin əməkdaşları cəlb olundular və yaranan problem aradan qaldırıldı”.

P.İmanov qeyd edib ki, Naximov və Abilov küçələrini və digər əraziləri içməli su ilə təmin edən xətlərin yenilənməsi həyata keçiriləcək:

“Bunun üçün böyük layihə hazırlanıb. Yaxın günlərdə layihənin icrasına başlanılacaq. Köhnə xətlərin hər biri yenilənəcək və buradakı su problemi həll olunacaq”.