Son dəqiqə
- 27 Aprel 2024
Kolumbiyalı Xuan Karlos Salazar Beynəlxalq Mülki Aviasiya Təşkilatının (ICAO) 36-cı Baş katibi olacaq.
"APA-Economics"in TASS-a istinadən verdiyi məlumata görə, 1 avqust 2021-ci il tarixindən etibarən o, bu vəzifəni 2015-ci ildən bəri icra edən Çin təmsilçisi Fan Lyunu əvəz edəcək. Salazar 2018-ci ildən Kolumbiya Mülki Aviasiya Təşkilatının baş direktoru vəzifəsində çalışır. O, ICAO-nun Baş katibi vəzifəsində ən azı üç il çalışacaq.
Qeyd edək ki, ICAO 1944-cü ildə dünyada beynəlxalq mülki aviasiyanın təhlükəsiz və nizamlı inkişafını təşviq etmək üçün təsis edilib. Təşkilatın qərargahı Monreal şəhərində yerləşir. ICAO fəaliyyətinin bir çox digər prioritet sahələri ilə yanaşı, aviasiya təhlükəsizliyini, təhlükəsizliyini, səmərəliliyini, potensialını və ətraf mühitin qorunmasını təmin etmək üçün lazım olan standartları və qaydaları müəyyənləşdirir. Təşkilata Azərbaycan da daxil olmaqla 190-dan çox dövlət daxildir.
