• 12 Avqust 2020
logo
Facebook siyasi reklamı qadağan edə bilər

Facebook siyasi reklamı qadağan edə bilər

Facebook rəhbərliyi bu ilin noyabrında ABŞ-da keçiriləcək Prezident seçkiləri öncəsi sosial şəbəkədə siyasi reklam yerləşdirilməsinə qadağa tətbiq edilməsini nəzərdən keçirir.

APA RİA Novosti-yə istinadən xəbər verir ki, bu barədə "Bloomberg" məlumat yayıb.

Mümkün qadağanın hələ də müzakirə edildiyini bildirən agentliyin məlumatına görə, məqsəd istifadəçiləri seçki ilə əlaqəli yanlış ola biləcək məzmundan qorumaqdır.

Bununla yanaşı, Facebook rəhbərliyi reklam qadağasının seçki kampaniyasına mənfi təsir göstərə biləcəyinə və ya namizədlərin son xəbərlərə, yeni məlumatlara cavab imkanlarını məhdudlaşdıracağına dair narahatlıq keçirir.