• 6 Fevral 2023
logo
Deputat: “Kənd təsərrüfatı ilə bağlı təbliğat kampaniyası daha da gücləndirilməlidir”

Deputat: “Kənd təsərrüfatı ilə bağlı təbliğat kampaniyası daha da gücləndirilməlidir”

“Regionlarda insanlar daha çox kənd təsərrüfatı ilə məşğul olur. Lakin bir çox halda insanlar torpaqdan soyuyurlar. Bu, dünyanın bir çox yerlərində baş verir. Yaxşı olar ki, ayır-ayrı insanlara özünüməşğulluq proqramına qoşulmaq təklif olunsun, bu təkliflərin sayı artsın”.

APA-nın məlumatına görə, bunu Milli Məclisin bu gün keçirilən iclasında deputat Rüfət Quliyev deyib.
Deputat bildirib ki, Lənkəranda keçirdiyi görüşlərdə seçiciləri övladlarının beynəlxalq hüquq, gömrük və s. sahəni bitirdiyini, işsiz olduğunu deyir: “Mən deyirəm ki, Lənkəranda əsas trend kənd təsərrüfatıdır. Lənkəranda neçə gömrük işçisinə ehtiyac ola bilər ki? Təklif edirəm ki, kənd təsərrüfatı ilə bağlı təbliğat kampaniyası daha da gücləndirilsin. Kənd təsərrüfatı hazırda Azərbaycanda inkişaf edir, biz bundan razıyıq. Amma bu işin sürətindən razı deyilik”.