• 28 Yanvar 2023
logo
Avstriya bankı Azərbaycanda bərpa olunan enerji layihələrinə vəsait ayıra bilər

Avstriya bankı Azərbaycanda bərpa olunan enerji layihələrinə vəsait ayıra bilər

Avstriyanın "Raiffeisen Bank"ı Azərbaycanda bərpa olunan enerji mənbələri sahəsində layihələrin maliyyələşdirilməsini dəstəkləyə bilər.

Bu barədə Trend-ə bankdan bildiriblər.

Qeyd olunub ki, hazırda bank maliyyə müəssisələri ilə əməkdaşlığa diqqətini yönəldib:

"Bununla əlaqədar olaraq "Raiffeisen Bank" bərpa olunan enerji mənbələri sahəsində uzunmüddətli perspektivdə layihələrin maliyyələşdirilməsini dəstəkləyə bilər".

Bankdan bildiriblər ki, hazırda ən vacib məsələ biznesdə normativlərin təmin olunmasıdır:

"Bank bu normativləri tənzimləyici orqanlar tərəfindən uyğunluq və keyfiyyət tələbləri ilə əlaqədar yaradır. Bizim məqsədimiz uyğunluq baxımından Azərbaycanın ən yaxşı maliyyə müəssisələri ilə işləməkdir".