• 15 Aprel 2021
logo
Qazaxıstan TDƏŞ-in enerji nazirlərinin növbəti görüşünə ev sahibliyi etmək niyyətindədir

Qazaxıstan TDƏŞ-in enerji nazirlərinin növbəti görüşünə ev sahibliyi etmək niyyətindədir

Qazaxıstan Türkdilli Dövlətlərin Əməkdaşlıq Şurası (TDƏŞ) ölkələrinin enerji nazirlərinin ikinci görüşünə ev sahibliyi etmək niyyətindədir.

Bu barədə "KazTAG" Qazaxıstan Respublikasının Energetika Nazirliyinə istinadən xəbər verir.

Məlumata görə, Qazaxıstanın energetika naziri Nurlan Noqayev həmkarlarına TDƏŞ enerji sənayesi nazirlərinin ikinci görüşünün 2022-ci ildə Qazaxıstanda keçirilməsinə hazır olması barədə məlumat verib.

Nazirliyin məlumatına əsasən, Qazaxıstan nazirliyinin açıqladığı kimi, TDƏŞ ölkələrinin energetika nazirləri neft və qaz, elektrik enerjisi, bərpa olunan enerji mənbələri (RES), habelə neft məhsulları, eləcə də təşkilata üzv ölkələrdə istehsal olunan məhsulların nəqliyyat marşrutlarının inkişafı sahəsində qarşılıqlı əlaqələri gücləndirmək niyyətindədirlər.

Xatırladaq ki, fevralın 24-də TDƏŞ energetika nazirlərinin 1-ci görüşü keçirilib. Azərbaycanın təşkilata sədrliyi çərçivəsində baş tutan video-konfransda Azərbaycan, Qazaxıstan, Qırğızıstan, Türkiyə, Özbəkistan və Macarıstanın yüksək səviyyəli nümayəndələri iştirak edib.