• 12 Avqust 2022
logo
Azad olunmuş ərazilərdə yeni bank ofisləri və bankomatlar quraşdırılacaq

Azad olunmuş ərazilərdə yeni bank ofisləri və bankomatlar quraşdırılacaq

Ordumuzun düşməndən təmizlədiyi ərazilərdə uzun illərdən sonra ilk dəfə Azərbaycan bankının xidmətlərindən istifadə mümkün olub. Azərbaycan Beynəlxalq Bankı Hadrut qəsəbəsində özünün ATM-i quraşdırıb.

Bu barədə sorğusuna cavab olaraq Azərbaycan Beynəlxalq Bankından bildiriblər.

Qeyd olunub ki, Hadrut və yaxın ərazilərdə bank xidmətlərinə ehtiyac duyan vətəndaşlarımız bu imkandan faydalana bilərlər:

"ATM-lərlə müxtəlif ödənişlər etmək, köçürmələr aparmaq, vəsait nağdlaşdırmaq və s. bu kimi bank xidmətlərindən istifadə etmək mümkündür".

Əlavə edilib ki, işğaldan azad edilmiş ərazilərimizdə həyata keçiriləcək quruculuq-bərpa və əhalinin qayıdışı proqramına uyğun olaraq Azərbaycan Beynəlxalq Bankı da bu ərazilərdə yeni xidmət ofislərinin açılması, o cümlədən bankın ATM-lərinin quraşdırılması tədbirlərini reallaşdıracaq.