• 19 Mart 2024
logo
Naxçıvan Muxtar Respublikasının statistik göstəriciləri açıqlanıb

Naxçıvan Muxtar Respublikasının statistik göstəriciləri açıqlanıb

2020-ci ilin yanvar-oktyabr aylarında Naxçıvan Muxtar Respublikasında 2,292 milyard manatlıq ümumi daxili məhsul istehsal olunub ki, bu da 2019-cu ilin müvafiq dövrü ilə müqayisədə 0,9 faiz çoxdur.

Trend bu barədə Naxçıvan MR Statistika Komitəsinin hesabatına istinadən məlumat verir.

Hesabata əsasən, həmin dövrdə adambaşına düşən ümumi daxili məhsulun həcmi 2019-cu ilin müvafiq dövrü ilə müqayisədə 1,9 faiz artaraq 4978,2 manat təşkil edib.

Vəsait qoyuluşları çərçivəsində 2020-ci ilin yanvar-oktyabr aylarında muxtar respublikada bütün maliyyə mənbələrindən əsas kapitala 859,2 milyon manata yaxın vəsait yönəldilib, bu da ötənilki göstəricidən 1 faiz çoxdur. Əsas kapitala yönəldilmiş vəsaitin 810,75 milyon manatı və ya 94,4 faizi tikinti-quraşdırma işlərinin payına düşüb.

2020-ci ilin yanvar-oktyabr aylarında 431,4 milyon manat həcmində kənd təsərrüfatı məhsulları istehsal olunub, bu göstərici 2019-cu ilin müvafiq dövrü ilə müqayisədə 4,2 faiz çoxdur.

Hesabat dövründə Naxçıvanda informasiya və rabitə xidmətlərinin dəyəri 47,3 min manat olub və 2019-cu ilin müvafiq dövründəki xidmətlərin dəyəri ilə müqayisədə 4,4 faiz artıb. Bu dövr ərzində mobil rabitə xidmətinin dəyəri təxminən 37,6 milyon manat təşkil edib və bir il öncəyə nisbətdə 1,5 faiz artıb.

1 noyabr 2020-ci il tarixə muxtar respublikanın banklarında açılmış bank hesablarının sayı 91 075-ə çatıb. Bunun 79 458-i və ya 87,2 faizi aktiv hesablardır. 2020-ci ilin yanvar-oktyabr aylarında açılmış 31 462 bank hesabının 31 453-ü aktiv hesablar olub.

Muxtar respublikada quraşdırılmış POS-terminalların sayı 1 noyabr 2020-ci il tarixə 1 397-ə çatıb.

2020-ci ilin yanvar-oktyabr aylarında Naxçıvan MR-nın xarici ticarət dövriiyyəsi 386,846 milyon dollardan çox olub. İxracın dəyəri 334,049 ABŞ dolları təşkil edib, 281,251 milyon dollar dəyərində müsbət saldo yaranıb.