• 27 Oktyabr 2020
logo
Azərbaycan Novosibirsk vilayətindən buğda idxal edən ölkələrin ilk beşliyinə daxil olub

Azərbaycan Novosibirsk vilayətindən buğda idxal edən ölkələrin ilk beşliyinə daxil olub

Azərbaycan Rusiyanın Novosibirsk vilayətindən buğda idxal edən ölkələrin ilk beşliyinə daxil olub. "APA-Economics"in "Rusiya İxracatçıları"na istinadən xəbər verir ki, bu ilin yanvar-iyul ayları ərzində Novosibirsk vilayətindən 171,9 min ton taxıl ixrac edilib. Bu, 2019-cu ilin eyni dövrünə nisbətən 2,8 dəfə çoxdur. Dəyər baxımından taxıl ixracı 36,8 mln. dollara bərabər olub. Novosibirsk vilayətinin taxıl ixracı strukturunda buğda üstünlük təşkil edir. Belə ki, hesabat dövründə bu məhsul üzrə ixracın həcmi 4,7 dəfə artaraq 134 min ton, dəyəri isə 28 mln. dollar təşkil edib. Əsas satış bazarları Qırğızıstan, Türkiyə, Qazaxıstan, Monqolustan və Azərbaycan olub. Novosibirsk vilayətindən düyü tədarükü 2020-ci ilin yanvar-iyul aylarında 3 dəfə artaraq 7,9 min tona çatıb. Düyü əsasən Belçika və Qazaxıstana ixrac olunub. Yulaf tədarükü isə təxminən iki dəfə artaraq 9,7 min tona çatıb. Novosibirskdən yulaf Çin və Monqolustana ixrac edilib. Eyni zamanda, Çin və Yaponiyaya tədarükün azalması səbəbindən qarabaşaq yarmasının ixracı 7,4 dəfə azalaraq 1,3 min tona düşüb. Dəyər baxımından qarabaşaq yarmasının ixracı 5 dəfə azalaraq 642,9 min dollar təşkil edib.