• 20 Sentyabr 2020
logo
Azərbaycan Bank Tədris Mərkəzi üzbəüz təlimləri bərpa edib

Azərbaycan Bank Tədris Mərkəzi üzbəüz təlimləri bərpa edib

Bu gündən etibarən Azərbaycan Banklar Assosiasiyasının (ABA) törəmə qurumu kimi 20 ildir fəaliyyət göstərən Azərbaycan Bank Tədris Mərkəzi (ABTC) üzbəüz təlimləri bərpa edib.

ABA-dan "APA-Economics"ə verilən məlumata görə, Mərkəz pandemiya səbəbindən 2020-ci ilin aprelindən etibarən tətbiq edilən sərt karantin dövründə də fəaliyyətini davam etdirib və bütün xidmətlərini aprel ayından onlayn formada təqdim etməyə başlayıb.

2020-ci ilin aprel-avqust ayları ərzində ABTC onlayn formada 18 mövzuda 24 təlim keçirib və bu təlimlərdə 466 dinləyici iştirak edib, 5 təşkilata məsləhət verib; 5 təşkilatın əməkdaşlarını psixrometrik və peşə qiymətləndirməsindən keçirib; 4 314 respondent arasında sorğu təşkil və təhlil edib.

"ABTC Nazirlər Kabineti yanında Operativ Qərargahın qərarına müvafiq olaraq, 1 sentyabrdan etibarən xidmətlərini həm onlayn, həm də üzbəüz davam etdirir", - deyə Mərkəzdən bildirilib.