• 14 Fevral 2025
logo
Gürcüstan Azərbaycandan elektrik enerjisinin idxalını 38% azaldıb

Gürcüstan Azərbaycandan elektrik enerjisinin idxalını 38% azaldıb

Bu ilin birinci yarısında Gürcüstan Azərbaycandan 338,5 mln. kVt-saat elektrik enerjisi idxal edib. Buna baxmayaraq, hesabat dövründə Azərbaycan Gürcüstanın əsas elektrik enerjisi təchizatçısı olub.

Bu barədə Gürcüstan Elektrik Enerjisi Sistemi Kommersiya Operatorunun (ESCO) hesabatında deyilir.

Bildirilib ki, bu göstərici ötən ilin analoji dövrü ilə müqayisədə 38,1% və ya 209,1 mln. kVt-saat azdır. Belə ki, Gürcüstan ötən ilin yanvar-iyun ayları ərzində Azərbaycandan 547,6 mln. kVt-saat elektrik enerjisi idxal edib.

Hesabat dövründə Azərbaycan Gürcüstan ərazisi ilə Türkiyəyə 82,2 mln. kVt-saat tranzit elektrik enerjisi ixrac edib.

Qeyd edək ki, ilin ilk yarısında Gürcüstan Rusiyadan 234,3 mln. kVt-saat elektrik enerjisi idxal edib.