Son dəqiqə
- 27 İyul 2024
Bu ilin yanvar-may ayları ərzində Azərbaycandan 721 456,44 min ABŞ dolları dəyərində qeyri-neft məhsulları ixrac olunub.
Dövlət Gömrük Komitəsindən verilən məlumata görə, qeyri-neft ixracında ötən ilin eyni dövrü ilə müqayisədə 8,3% və ya 65 154,69 min dollar həcmində azalma müşahidə olunub.
Qeyd edək ki, cari ilin yanvar-may ayları ərzində Azərbaycandan ümumilikdə 6 971 926,29 min dollar dəyərində (hesabat dövründə gömrük orqanlarında rəsmiləşdirilməsi başa çatdırılmış ixrac olunan xam neft və təbii qazın dəyərinə dair məlumatlar nəzərə alınıb) 2 050 çeşiddə mal ixrac olunub. Beləliklə, bu ilin ilk beş ayı ərzində ölkənin cəmi ixracının 10,35%-ni qeyri-neft sektoru əhatə edib.
