- 18 Avqust 2022
Dövlət əsaslı vəsait qoyuluşu xərclərindən ayrılmış vəsait də (263,9 milyon manat) nəzərə alınmaqla, 2019-cu ildə mədəniyyət, incəsənət, informasiya, bədən tərbiyəsi və digər kateqoriyalara aid edilməyən sahədə fəaliyyət xərclərinə dövlət büdcəsi xərclərinin 2,5 faizi həcmində və ya 599,7 milyon manat vəsait yönəldilib.
Bu, “2019-cu il dövlət büdcəsinin icrası barədə” hesabatda əksini tapıb.
Hesabatda qeyd edilib ki, funksional təsnifata uyğun olaraq (dövlət əsaslı vəsait qoyuluşundan ayrılmış vəsait istisna olmaqla) 2019-cu ildə mədəniyyət, incəsənət, informasiya, bədən tərbiyəsi və digər kateqoriyalara aid edilməyən sahədə fəaliyyət xərcləri (cari) üzrə istifadə olunmuş vəsaitin 139,8 milyon manatı və ya 41,6 faizi mədəniyyət və incəsənət sahəsində fəaliyyət xərclərinə (2018-ci illə müqayisədə 14,7 milyon manat və ya 11,8 faiz çox), 68,8 milyon manatı və ya 20,5 faizi digər kateqoriyalara aid edilməyən fəaliyyət xərclərinə (2018-ci illə müqayisədə 24,9 milyon manat və ya 56,9 faiz çox), 66,6 milyon manatı və ya 19,8 faizi bədən tərbiyəsi, gənclər siyasəti, turizm xərclərinə, 60,6 milyon manatı və ya 18,1 faizi radio, televiziya və nəşriyyat xərclərinə (2018-ci illə müqayisədə 2,3 milyon manat və ya 4,0 faiz çox) yönəldilib.
