• 27 Noyabr 2020
logo
Azərbaycanın MDB ölkələri ilə ticarət dövriyyəsinin mənfi saldosu 34% azalıb

Azərbaycanın MDB ölkələri ilə ticarət dövriyyəsinin mənfi saldosu 34% azalıb

Bu ilin yanvar-aprel ayları ərzində Azərbaycanın MDB ölkələri ilə apardığı ticarət dövriyyəsinin həcmi ötən ilin eyni dövrü ilə müqayisədə 1,6% azalaraq 1 330 634,8 min ABŞ dollarına enib.

"APA-Economics"in Dövlət Gömrük Komitəsinin dərc etdiyi hesabat əsasında apardığı hesablamalarına görə, bu müddətdə ixracın həcmi ötən ilin analoji dövrü ilə müqayisədə 103 664,1 və ya 31,1% artaraq 437 930,2 min dollar, idxal isə 125 204,4 min. dollar və ya 12,3% azalaraq 892 704,7 min dollar təşkil edib.

Nəticədə hesabat dövründə 454 774,5 min dollarlıq mənfi ticarət saldosu yaranıb ki, bu göstərici 2019-cu ilin analoji dövrü ilə müqayisədə 228 868,5 min dollar və ya 33,5% azdır.