• 5 Mart 2024
logo
Mirziyayev ona “Xalq artisti” adını verdi

Mirziyayev ona “Xalq artisti” adını verdi

Özbəkistanda azərbaycanlı elm və mədəniyyət xadimləri mükafatlandırılıb.
Özbəkistanın Azərbaycandakı səfirliyi xəbər verir ki, bu barədə Özbəkistan Prezidenti Şövkət Mirziyayev müvafiq sərəncam imzalayıb.
Sərəncama əsasən, Rəşid Behbudov adına Azərbaycan Dövlət Mahnı Teatrının vokalisti Gülyanaq Məmmədovaya “Özbəkistan Respublikasının Xalq artisti” adı verilib.
Bundan başqa, Akademik Ziya Bünyadov adına Şərqşünaslıq İnstitutunun direktor müavini, akademik Şahin Mustafayev, Bakı Dövlət Universitetinin Türkologiya kafedrasının müdiri, professor Ramiz Əsgərov, Azərbaycan Milli Elmlər Akademiyası Nizami adına Ədəbiyyat İnstitutunun Azərbaycan-Türkmənistan-Özbəkistan ədəbi əlaqələr şöbəsinin müdiri Almas Binnətova “Dostluq” ordeni ilə təltif ediliblər.