• 12 Avqust 2022
logo
Rəsul Rzanın ev-muzeyi yaradılacaq

Rəsul Rzanın ev-muzeyi yaradılacaq - SƏRƏNCAM

Rəsul Rzanın ev-muzeyi yaradılacaq.
Bu, Prezident İlham Əliyevin “Rəsul Rzanın ev-muzeyinin yaradılması haqqında” sərəncamda əksini tapıb.
Sərəncamda bildirilib ki, Azərbaycan ədəbiyyatının görkəmli nümayəndəsi, Xalq şairi, Dövlət Mükafatı laureatı Rəsul Rza milli poetik fikir salnaməsinə yeni səhifələr yazan novator sənətkar kimi böyük şöhrət qazanıb, ana dilinin zənginliklərindən uğurla faydalanaraq, yarım əsrə yaxın dövr ərzində daim yüksək bədii dəyəri ilə seçilən çox sayda əsərlər yaratmış, eyni zamanda ölkənin ictimai və mədəni həyatında yaxından iştirak edərək, genişmiqyaslı dolğun fəaliyyəti ilə tanınıb.
Nazirlər Kabineti Bakı şəhəri, Səbail rayonu, Rəsul Rza küçəsi 21/26, mənzil 18 ünvanında Rəsul Rzanın ev-muzeyinin yaradılması ilə bağlı zəruri tədbirlərin həyata keçirilməsini təmin etməlidir.