Son dəqiqə
- 11 Oktyabr 2024
Ankarada yerləşən Türk Tarixi Muzeyi və Parkında Azərbaycanın istiqlal şairi Əhməd Cavadın heykəlinin açılışı olub.
Bu barədə Azərbaycanın Türkiyədəki səfirliyi məlumat yayıb.Qeyd edək ki, şairin 130 illiyinə həsr olunmuş anım mərasimi də keçirilmişdir. Azərbaycanın Türkiyədəki Səfirliyi, Ankara Etiməsqut Bələdiyyəsi və Türk Tarix Muzeyinin birgə təşkilatçılığı ilə həyata keçirilən tədbir şəhidlərin əziz xatirəsinin 1 dəqiqəlik sükutla yad edilməsi və hər iki ölkənin himnlərinin oxunması ilə başlamışdır.
Azərbaycanın Türkiyədəki səfiri Rəşad Məmmədov çıxış edərək, Azərbaycan-Türkiyə münasibətlərinin inkişafından, xalqlarımızın qardaşlığından danışmış, Əhməd Cavadın yaradıcılığında əsas yer tutan türkçülük ideyaları, şairin faciəvi həyatı barədə ətraflı məlumat verib.
Çıxışların ardından Əhməd Cavadın həyatına dair sənədli film nümayiş etdirilmiş, Ankara Universitetində təhsil alan azərbaycanlı tələbə Elmira Qoca şairin “Türk övladıyam” şeirini səsləndirib.
