• 28 Mart 2024
logo
Folklor nümunələrinin qorunması məqsədilə qaydalar sərtləşdirilir

Folklor nümunələrinin qorunması məqsədilə qaydalar sərtləşdirilir

Folklor nümunələrinə əqli mülkiyyət hüquqlarının müdafiəsi ilə bağlı tətbiq edilən üsullar sərtləşdirilir.

Bu, Milli Məclisin Hüquq siyasəti və dövlət quruculuğu komitəsinin bu gün keçirilən iclasının gündəliyinə daxil edilən “Azərbaycan folkloru nümunələrinin hüquqi qorunması haqqında”, “Korrupsiyaya qarşı mübarizə haqqında”, “Banklar haqqında”, “Bələdiyyə torpaqlarının idarə edilməsi haqqında” Azərbaycan Respublikasının qanunlarında və Azərbaycan Respublikasının Mülki Məcəlləsində dəyişiklik edilməsi barədə” qanun layihəsində əksini tapıb.

“Azərbaycan folkloru nümunələrinin hüquqi qorunması haqqında” qanuna təklif edilən dəyişikliyə əsasən, folklor nümunələrinin qorunması məqsədi ilə məhkəməyə müraciət edilərkən, mülki-hüquqi müdafiənin ümumi vasitələrindən başqa, iddiaçının tələbi ilə gəlirin tutulması əvəzinə yüz on manatdan əlli beş min manatadək məbləğdə kompensasiya ödənilməsi tətbiq edilə bilər.

İndiyə kimi bu məbləğ şərti maliyyə vahidinin yüz mislindən əlli min mislinədək idi.