• 30 May 2020
logo
"Azərbaycanın Böyük Vətən Müharibəsi illərində verdiyi töhfələr" adlı virtual sərgi təqdim edilib

"Azərbaycanın Böyük Vətən Müharibəsi illərində verdiyi töhfələr" adlı virtual sərgi təqdim edilib

Mədəniyyət Nazirliyi 9 May – Qələbə gününə həsr olunan “Azərbaycanın Böyük Vətən Müharibəsi illərində verdiyi töhfələr” adlı virtual sərgi təqdim edib.

Mədəniyyət Nazirliyindən APA-ya verilən məlumata görə, sərgidə Azərbaycan Milli İncəsənət, Azərbaycan Milli Xalça, Azərbaycan Musiqi Mədəniyyəti Dövlət, İstiqlal muzeyləri və Üzeyir Hacıbəylinin, Bülbülün, Səməd Vurğunun ev-muzeylərinin fondlarından materiallar təqdim olunur.

Sərgi aşağıdakı bölmələrdən ibarətdir:

- Müharibənin başlanması. Böyük Vətən Müharibəsinin ilk günlərində Azərbaycanda əhalinin səfərbər edilməsi.

- Arxa cəbhədə çalışan işçilərin əməyi. “Hər şey cəbhə üçün, hər şey qələbə üçün!”

- Böyük Vətən Müharibəsi illərində Azərbaycan xalqının cəbhədə göstərdiyi şücaət.

- Milli hərbi birləşmələri

- Elm işçilərinin düşmən üzərində qələbəyə töhfəsi

- Səhiyyə işçilərinin düşmən üzərində qələbəyə töhfəsi

- Mədəniyyət və incəsənət işçilərinin töhfəsi

- Böyük Vətən Müharibəsi illərində nümayiş etdirilən qəhrəmanlıqlar barədə xatirələrin əbədiləşdirilməsi.

Virtual sərgi Azərbaycan Respublikasında koronavirus infeksiyasının (COVID-19) yayılması ilə bağlı yaranmış vəziyyət ilə əlaqədar muzeylərin müəyyən vaxt müddətinə bağlı olduğunu nəzərə alınaraq hazırlanıb.