Son xəbərlər
10 İYUN
08 İYUN
07 İYUN
İQTİSADİYYAT

Energetika nazirinin müavinləri cənub bölgəsində vətəndaşları qəbul edib

<b>Energetika nazirinin müavinləri cənub bölgəsində vətəndaşları qəbul edib</b>

Mayın 27-də Energetika nazirinin müavinləri Samir Vəliyev Masallı və Yardımlı, Elnur Soltanov isə Lerik rayonundan olan vətəndaşları qəbul ediblər

Trend-in məlumatına görə, Energetika Nazirliyinin aidiyyəti struktur bölmələrinin nümayəndələrinin iştirakı ilə keçirilən qəbullarda vətəndaşlar diqqətlə dinlənilib, müraciətlərin operativ araşdırılması və qanunvericiliyə uyğun həlli üçün müvafiq tapşırıqlar verilib.
Sakinlərin müraciətləri qazlaşma, qaz sayğaclarının quraşdırılması, elektrik enerjisinə görə yaranan borcun silinməsi, elektrik enerjisi təchizatında fasilələr, elektrik qurğu və avadanlıqlarının istismar vəziyyəti, işlə təminat və digər məsələlərlə bağlı olub.
Ümumilikdə qəbullarda 20-ə yaxın vətəndaş müraciət edib.
Qəbula gələnlər bölgələrdə vətəndaşların qəbulunun təşkilinə, göstərilən hərtərəfli diqqət və qayğıya, yaradılan şəraitə görə dövlət başçısına minnətdarlıqlarını bildiriblər.
Qeyd edək ki, Masallı və Lerikdə təşkil olunmuş qəbullar barədə vətəndaşların ətraflı məlumatlandırılması üçün KİV-də, Energetika Nazirliyinin rəsmi internet saytında (www.minenergy.gov.az) və "Facebook" səhifəsində elanlar verilib, nazirliyin saytında vətəndaşların qəbulu üçün elektron müraciətlərin onlayn qeydiyyata alınması məqsədilə imkanlar yaradılıb.









FOTOSLAYD

ƏDƏBİYYAT
GÜNDƏM
Güney Azərbaycan
TRİBUNA
Arxiv